***
Шигырь язарга уйладым,
Шигырь язасым килде.
Шигъри калып* эзли-эзли,
Шактый уйлап йөрелде.
Арлы-бирле йөри-йөри,
Инде тәмам арылды.
Күпме каһвә йотылды да
Күпме сүзләр онтылды...
Шигырь язу бик җиңел дип
Масаеп йөрдем ахмак!
Шигырь язу читен икән -
Авыр уйларга батмак.
Язганнарны ерта-ерта,
Чүп чиләген тутырдым,
Сабыр төбе - сары алтын:
Мин язарга утырдым...
Тик шулай да яздым әле:
Шигъри юллар тезелде.
Миннән шагыйрь чыкмастыр ул,
Шигърем шунда өзелде...
____________________
Калып* - рифма мәгънәсендә.